თეა წულუკიანი შს მინისტრის განცხადებას კარიბის ზღვის ქვეყნებში ოფიციალური ვიზიტის ფარგლებში, კუნძულ ანტიგუადან ეხმაურება და ნარკომანიასთან ბრძოლის უწყებათაშორისი საკოორდინაციო საბჭოს თავმჯდომარე საბჭოს მორიგ სხდომას უახალოეს დღეებში, ვიზიტიდან დაბრუნებისთანავე მოიწვევს.
იუსტიციის მინისტრის თქმით, მისასალმებელი იქნება, თუკი ნარკოპოლიტიკის შესახებ საკითხებზე მუშაობა, უწყებათაშორის იმ ფორმატს დაუბრუნდება, რომელიც ამ საკითხებზე აქტიურად მუშაობდა.
ნარკომანიასთან ბრძოლის უწყებათაშორისი საკოორდინაციო საბჭოს სხდომის მოწვევის თხოვნით, იუსტიციის მინისტრს შს მინისტრმა დღეს მიმართა. როგორც გიორგი გახარიამ განაცხადა, ეს იქნება ერთ-ერთი ყველაზე მნიშვნელოვანი ფორმატი, სადაც შესაძლებელი იქნება სერიოზული პროგრესის მიღწევა.
ნარკომანიასთან ბრძოლის საკოორდინაციო საბჭო უწყებათაშორისი ორგანოა, რომლის მიზანი ნარკოტიკული ნივთიერებების უკანონო მოხმარებით გამოწვეული ზიანის შემცირებაა. საკოორდინაციო საბჭო განსაზღვრავს ნარკომანიის წინააღმდეგ ბრძოლის ზოგად პოლიტიკას, შეიმუშავებს ქვეყნის სტრატეგიასა და სამოქმედო გეგმას და მონიტორინგს უწევს მის განხორციელებას.
imedinews.ge
No comments:
Post a Comment