ესპანეთში, საერთაშორისო კინოფესტივალი Las Palmas de Gran Canaria-ს მთავარ საკონკურსო პროგრამაში ზაზა ხალვაშის ფილმი "ნამე" მონაწილეობას. ინფორმაციას ეროვნული კინოცენტრი ავრცელებს.
პარალელურად ფილმი სტამბულის საერთაშორისო კინოფესტივალზეც არის წარმოდგენილი პროგრამაში Best of Best.
"ნამე" სამხრეთ-დასავლეთ საქართველოს მთებში, ერთ პატარა, ტრადიციულ სოფელში მცხოვრები მოხუცი მამის, მისი ქალიშვილი ნამეს და სამი ვაჟის შესახებ მოგვითხრობს. ძმებიდან ერთი მასწავლებელია, მეორე - მოლა, ხოლო მესამე - მღვდელი. სოფელში მაჰმადიანები და მართმადიდებლები ერთად ცხოვრობენ. სოფლის ერთ ბოლოში ეკლესია დგას, მეორე ბოლოში კი მეჩეთია.
"ნამე" ეროვნული კინოცენტრის მხარდაჭერით შექმნილი ფილმია, რომელიც საქართველო-ლიტვა-საფრანგეთის ერთობლივი პროდუქციაა.
ფილმის პრემიერა ტოკიოს საერთაშორისო კინოფესტივალის მთავარ საკონკურსო პროგრამაში შედგა, შემდეგ კი იგი ვილნიუსის და სოფიას კინოფესტივალებზეც აჩვენეს.
აღსანიშნავია, რომ სოფიას კინოფესტივალზე ზაზა ხალვაში ჟიურის წევრიც იყო (ბალკანური ფილმების პროგრამა).
imedinews.ge
No comments:
Post a Comment