თბილისის მერი თებერვლის ბოლოს ღამის თბილისის კონცეფციის პრეზენტაციას გამართავს. ამის შესახებ კახა კალაძემ დღეს განაცხადა.
„მთელი რიგი ნაბიჯებია გადასადგმელი იმისთვის, რომ ღამის ეკონომიკა განვავითაროთ, ხელი შევუწყოთ მეწარმეებს, მცირე და საშუალო ბიზნესის განვითარებას, შევქმნათ სამუშაო ადგილები და ა. შ. ასე, რომ თებერვლის ბოლოს გავაკეთებთ პრეზენტაციას ამასთან დაკავშირებით“, - განაცხადა კახა კალაძემ.
ცნობისთვის, ღამის თბილისის განვითარება კახა კალაძის წანასაარჩევნო დაპირება იყო და ღამის ეკონომიკის განვითარების კონცეფციაში შედიოდა. როგორც კალაძე აცხადებდა, ღამის კულტურული ცხოვრების გამოცოცხლება, ახალ სტარტაპებს წაახალისებს და ქალაქის საგადასახადო შემოსავლებს გაზრდის.
მერის განცხადებით, თბილისში, კვირის გარკვეულ დღეებში საზოგადოებრივი ტრანსპორტი ღამის საათებშიც იმოძრავებს.
imedinews.ge
No comments:
Post a Comment