87 წლის ესპანელი ქალი, კონჩა გარსია ზაერა, რამდენიმე წელია Microsoft Paint-ში ფერად ნახატებს ქმნის. ამჟამად ქალს Instagram-ზე 103 ათასი გამომწერი ჰყავს. ინფორმაციას ესპანური Radio Valencia ავრცელებს.
ქალი იქამდე საღებავებით ხატავდა, თუმცა როგორც თავად იხსენებს, ყოველ საღამოს მის სახლში საღებავის აუტანელი სუნი იყო. მოგვიანებით როცა ქალს შვილმა ნოუთბუქი უყიდა, აღმოაჩინა, რომ ხატვა კომპიუტერული პროგრამითაც შეეძლო. ასე შეცვალა საღებავი Microsoft Paint-მა.
ზაერამ ნახატების გამოქვეყნება თავდაპირველად Facebook-ზე დაიწყო. მოგვიანებით, შვილიშვილმა მას ინსტაგრამის გამოყენება ურჩია და ქალმა მოკლე დროში აქაც შეძლო 300 გამომწერის შეგროვება.
შემდეგ Twitter-ის ერთ-ერთმა მომხმარებელმა ქალის გვერდის ფოტოები საკუთარ გვერდზე განათავსა და მხატვრის გამომწერების რაოდენობამ Instagram-ზე რამდენიმე დღეში 103 ათასს მიაღწია.
კონჩა გარსია ზაერა Windows 7-ს იყენებს და როგორც ამბობს, მაუსის გარეშე მუშაობა არ შეუძლია.
imedinews.ge
No comments:
Post a Comment