Saturday, November 3, 2018

ახალ კალედონიაში საფრანგეთისგან გამოყოფის საკითხზე რეფერენდუმისთვის ემზადებიან

4 ნოემბერს ახალ კალედონიაში საფრანგეთისგან გამოყოფის შესახებ რეფერენდუმი ჩატარდება. ამის შესახებ BBC წერს. 
თუ უმრავლესობა დამოუკიდებლობას დაუჭერს მხარს, მაშინ ახალი კალედონია მესამე ფრანგული ტერიტორია იქნება, რომელიც მას გამოეყოფა, ჯიბუტისა (1977 წ.) და ვანუატუს (1980) შემდეგ.
საფრანგეთის ხელისუფლებამ ახალი კალედონიის თვითგამორკვევის საკითხზე რეფერენდუმის შესახებ პოლიტიკურ შეთანხმებას გასული წლის ნოემბერში მიაღწია.
ახალი კალედონიის მოსახლეობა 269 ათას ადამიანამდეა. 
1853 წელს საფრანგეთმა ახალი კალედონია თავის კოლონიად გამოაცხადა.  1980-1990-იან წლებში დაიწყო მასიური გამოსვლები, სადაც ადგილობრივი მოსახლეობა კუნძულის დამოუკიდებლობას ითხოვდა.
1988 წელს აქ რეფერენდუმი ჩატარდა, თუმცა, შედეგი უარყოფით იყო.
ახალ კალედონიაზე საფრანგეთის ხელისუფლებას წარმოადგენს უმაღლესი კომისარი, რომელსაც ნიშნავს საფრანგეთის პრეზიდენტი. აღმასრულებელ ხელისუფლებას ასრულებს ადგილობრივი მთავრობა 11 წევრის შემადგენლობით, რომელიც ინიშნება ტერიტორიის კონგრესის დეპუტატებისგან (ადგილობრივი პარლამენტი). კონგრესი შედგება 54 დეპუტატისაგან, რომლებსაც ირჩევენ ხუთ წელიწადში ერთხელ. ახალი კალედონიის მოსახლეობა ასევე ირჩევს საფრანგეთის პარლამენტის ორ დეპუტატს და საფრანგეთის ორ სენატორს.
imedinews.ge

No comments:

Post a Comment