Tuesday, December 25, 2018

სააკაშვილი საქართველოში აზვირთებულ ტალღას ჩამოჰყვება

ძველი თანაგუნდელებისგან სავარაუდოდ იმედგაცრუებული ექსპრეზიდენტი მიხეილ სააკაშვილი მხრდამჭერებს უცხოეთში ეძებს და ახალ მოძრაობას - „ერთად სახლში“ - 
აანონსებს. ის იმედოვნებს, რომ ემიგრანტების ტალღა აზვირთდება და მას საქართველოში გაზაფხულამდე ჩაიყვანს.მიხეილ სააკაშვილი საპრეზიდენტო უფლებამოსილების დასრულების შემდეგ ქართულ მართლმსაჯულებას საქართველოს ფარგლებს გარეთ ემალება. ის დისტანციურად ცდილობდა ემართა პროცესები საქართველოში საპრეზიდენტო არჩევნების დროს და მხარდამჭერებს დაუმორჩილებლობისკენ მოუწოდებდა, თუმცა ამ შემთხვევაში მის გეგმას თანაპარტიელებში ძლიერი მხარდაჭერა არ აღმოაჩნდა.
👉  კვალიფიციური მომზადება - ყველა საგანი ერთ სივრცეში  
მიხეილ სააკაშვილს რამდენიმე სისხლის სამართლის საქმეზე საქართველოს პროკურატურა ედავება და მის ექსტრადიციას ითხოვს. აქედან ერთ-ერთ საქმეზე, კერძოდ, სანდრო გირგვლიანის მკვლელობაში ბრალდებულთა შეწყალების საქმეზე 5 იანვარს ქართულმა სასამართლომ სააკაშვილს დაუსწრებლად 4 წლით თავისუფლების აღკვეთა მიუსაჯა. ამნისტიით მას სასჯელი 1/4-ით შეუმცირა და 3 წლით პატიმრობა დარჩა. 
28 ივნისს კი სასამართლომ ვალერი გელაშვილის ცემის ფაქტზე სააკაშვილს 8 წლით, ამნისტირებული მუხლების გათვალისწინებით კი - 6 წლით თავისუფლების აღკვეთა მიუსაჯა.
სააკაშვილს, რომელსაც არცერთი ქვეყნის მოქალაქეობა არ აქვს 2018 წლის თებერვალში მეუღლის სანდრა რულოვსის სამშობლომ, ნიდერლანდებმა ევროკავშირში ცხოვრებისა და მუშაობის უფლება მისცეს.
imedinews.ge

1 comment:

  1. თქვენ ხართ ფინანსურ კრიზისში, ეძებთ ფულს, რომ დაიწყოთ საკუთარი ბიზნესი ან გადაიხადოთ გადასახადები ?, PayLATER სესხს მიეკუთვნება ყველა სახის სესხი დაბალ საპროცენტო განაკვეთზე 2% -ით, გთხოვთ მიმართოთ ელ.ფოსტით შემდეგ მისამართზე: ( paylaterloan@zoho.com ) ან WhatsApp ( +19292227518 )

    ReplyDelete