გენერალურმა პროკურატურამ „თიბისი ბანკთან“ დაკავშირებით, უკანონო შემოსავლის ლეგალიზაციის ფაქტზე გამოძიება დაიწყო. საზოგადოებაში და პოლიტიკურ წრეებში აქტიურად საუბრობენ საქმის პოლიტიკურ სარჩულზე, ოპოზიცია იმასაც კი ამბობს, რომ ამით "ივანიშვილი ხაზარაძეს პერსონალურად დაემუქრა".
არსებობს რამდენიმე ვერსია, რატომ გააქტიურდა ეს საკითხი ახლა: ერთი ვერსიით, "თიბისის საქმე" "ოცნების" შიდა დაპირისპირების გადასაფარად წამოწიეს წინა პლანზე, რომელიც მოსამართლეების შერჩევის საკითხს მოჰყვა. კიდევ ერთი ვერსიით კი, ეს კამპანია ანაკლიის პორტის საკითხს უკავშირდება.
ინფორმაცია მამუკა ხაზარაძის შესაძლო დაკავების შესახებ, 8 იანვრის საღამოს პირველმა გაავრცელა პორტალმა "კვირამ", რომელიც ზოგიერთი ინფორმაციით ძალოვან უწყებებთან ასოცირდება. 9 იანვარს კი პროკურატურამ გამოაქვეყნა განცხადება სტატიის იდენტური ტექსტით, რამაც ექსპერტებსა და მედიაში ეჭვები გააჩინა.
თადუმაძის უწყებაში განმარტავენ, რომ ფულის გათეთრებასთან დაკავშირებით, პროკურატურაში გამოძიება გასული წლის მაისიდან მიმდინარეობს. "თიბისი ბანკში“ აცხადებენ, რომ პროკურატურა სწავლობს იმ ტრანზაქციების საქმეს, რომლის გამოც ბანკი წლების წინ 1 მილიონი ლარით დააჯარიმეს, თუმცა სასამართლომ ჯარიმის გადახდა შეაჩერა.
რას ამბობს "თიბისი"?
ბანკის სახელით განცხადება მისმა დამფუძნებელმა მამუკა ხაზარაძემ გაავრცელა. ის მედიით გავრცელებულ ინფორმაციას მცდარ და მიზანმიმართულად დამახინჯებულს უწოდებს, რომელიც ემსახურება ქვეყნის წამყვანი ფინანსური ინსტიტუტისა და მისი დამფუძნებლების რეპუტაციის შელახვას.
"რაც შეეხება პროკურატურის მიერ გაკეთებულ კომენტარს დოკუმენტების ამოღებასთან დაკავშირებით, საკითხი ეხება 2008 წლის რიგით, კანონიერ საბანკო ოპერაციას, რომელიც:
- არაერთხელ იქნა სახელმწიფო სტრუქტურების და ეროვნული ბანკის მიერ შესაბამის პერიოდებში შემოწმებული, როგორც მოქმედი, ისე წინა ხელისუფლების დროს;
- არაერთხელ იქნა საერთაშორისო აუდიტორების მიერ შემოწმებული და მათი სისწორე დადასტურებული;
- ამასთან, მოცემული ტრანზაქცია ხანდაზმულია.
"თიბისი ბანკი" ვერ შეეგუება მიზანმიმართული დისკრედიტაციისა და რეპუტაციის შელახვის მცდელობას, ვისგანაც არ უნდა მომდინარეობდეს ის, და საჭიროების შემთხვევაში გამოიყენებს მის ხელთ არსებულ ყველა ადგილობრივ და საერთაშორისო სამართლებრივ ბერკეტს თიბისი ბანკის, მისი დამფუძნებლებისა და საერთაშორისო აქციონერების კანონიერი ინტერესების დასაცავად" - ნათქვამია ხაზარაძის მიერ ბანკის სახელით გავრცელებლ განცხადებაში.
რას ამბობს პროკურატურა?
პროკურატურის ინფორმაციით, საქართველოს ფინანსური მონიტორინგის სამსახურმა 2018 წლის მაისში დაიწყო სს „თიბისი ბანკის“, მისი კლიენტი იურიდიული პირების, ასევე აქციონერებისა და ადმინისტრატორების ფინანსური აქტივობების შესწავლა, რა დროსაც გამოიკვეთა, რომ კონკრეტული აქტივობები შეიცავდა უკანონო შემოსავლის ლეგალიზაციის ანუ ფულის გათეთრების ნიშნებს. აღნიშნულზე რეაგირების მიზნით, მასალები გადაგზავნილია როგორც ეროვნულ ბანკში, ასევე გამოგზავნილ იქნა საქართველოს პროკურატურაში.
"ამის საფუძველზე 2018 წლის 2 აგვისტოს საქართველოს გენერალური პროკურატურის საგამოძიებო ნაწილში დაიწყო გამოძიება უკანონო შემოსავლის ლეგალიზაციის ფაქტზე საქართველოს სისხლის სამართის კოდექსის 194-ე მუხლის მე-3 ნაწილის გ ქვეპუნქტით. გამოძიებით დადგენილი იქნა, რომ 2008 წლის აპრილ-მაისში, კომპანიებმა შპს „სამგორი M“-მა და „სამგორი თრეიდმა“ „თიბისი ბანკისგან“ საბრუნავი სახსრების შევსების მიზნობრიობით აიღეს სესხი დაახლოებით 17 მილიონი აშშ დოლარის ოდენობით, რაც იმავე დღეს სესხის სახით გაცემული იქნა ფიზიკურ პირებზე - ბადრი ჯაფარიძესა და მამუკა ხაზარაძეზე.
სესხის თანხის გადახდის გარეშე, 2008 წლის ბოლოს, სესხი გადატანილი იქნა გარე საბალანსო ანგარიშზე ანუ ჩამოიწერა, ხოლო შემდგომში, 2012 წლის დაახლოებით აგვისტოში, ისე რომ, აღნიშნული კომპანიების მიერ არ მომხდარა სესხის თანხის გადახდა, ჩანაცვლებული იქნა ოფშორში რეგისტრირებული კომპანიის მიერ. მთელ ამ პერიოდში საგულისხმოა ის ფაქტი, რომ არც „სამგორი M“-სა და არც „სამგორი თრეიდის“ მიერ სესხის სახით აღებული თანხის გაღება არ მომხდარა, ხოლო მოგვიანებით მისი ჩანაცვლება მოხდა ოფშორში რეგისტრირებული კომპანიით და დღემდე ეს თანხა ანაზღაურებული არ არის „თიბისი ბანკისთვის“, - განმარტეს პროკურატურაში.
როგორ დაემთხვა ერთმანეთს kvira.ge-ს სტატია და პროკურატურის განცხადება?
ინფორმაცია მამუკა ხაზარაძის შესაძლო დაკავების შესახებ, 8 იანვრის საღამოს პირველმა გაავრცელა პორტალმა "კვირამ", რომელიც ზოგიერთი ინფორმაციით ძალოვან უწყებებთან ასოცირდება. ექსპერტების და მედიის წარმომადგენლების ეჭვი, რომ საგენტომ "ზემოდან" დაკვეთით გაავრცელა ინფორმაცია, კიდევ უფრო გაამყარა 9 იანვარს პროკურატურის მიერ გამოქვეყნებულმა განცხადებამ, რომელსაც სტატიის იდენტური ტექსტი ჰქონდა
ambebi.ge
No comments:
Post a Comment