Saturday, September 29, 2018

თბილისში ლგბტ აქტივისტებთან ფიზიკური დაპირისპირების ფაქტზე გამოძიება დაიწყო


თბილისში, ნინოშვილის ქუჩაზე, N56-ის მიმდებარე ტერიტორიაზე, „თანასწორობის მოძრაობის“ ოფისთან, ლგბტ თემისა და მეზობლებს შორის მომხდარი სიტყვიერი და ფიზიკური დაპირისპირების ფაქტზე გამოძიება ძალადობის მუხლით დაიწყო. ინფორმაციას შინაგან საქმეთა სამინისტრო ავრცელებს.

უწყების ცნობით, უკვე ჩატარებული საგამოძიებო მოქმედებებით დადგინდა, რომ 2018 წლის 28 სექტემბერს, გვიან ღამით, „თანასწორობის მოძრაობის“ ოფისის ეზოში, ორგანიზაციის რამდენიმე წარმომადგენელსა და იმავე ქუჩაზე მცხოვრები 66 წლის ქალს შორის ხმაურთან დაკავშირებით სიტყვიერი დაპირისპირება მოხდა, რასაც ქალის ნათესავი შეესწრო. 35 წლის კაცსა და ლგბტ თემის 3 წარმომადგენელს შორის გაგრძელდა და ფიზიკურ  შეურაცხყოფაში გადაიზარდა.
კონფლიქტის შედეგად, ქალის ნათესავი მიღებული დაზიანების გამო სასწრაფო სამედიცინო დახმარების ბრიგადამ ინგოროყვას საუნივერსიტეტო კლინიკაში გადაიყვანა.
imedinews.ge

No comments:

Post a Comment