სოციალური ქსელში ვრცელდება ინფორმაცია, სადაც მშობელი, თავის შვილსა და უცნობ მამაკაცს შორის მიმოწერას ასაჯაროვებს.
მიმოწერიდან ირკვევა, რომ მამაკაცი ბავშვთან კონტაქტს სხვადასხვა ხერხით ცდილობს ასე იწყება მიმოწერა ჩემს შვილსა და უცნობ ტიპს შორის…
ექვს საათიანი დაკითხვის და პოლიციაში ყურყუტის მერე ძალაგამოცლილი დავბრუნდი სახლში. ბევრი ვიფიქრე დამეწერა თუ არა. გადავწყვიტე დავწერო, რათა ჩემი გამოცდილება სხვებისთვის მაგალითი იყო. ვერასოდეს ვიფიქრებდი მეც თუ დავდგებოდი ამ საფრთხის წინაშე. მწერს ლიზი ფეისბუქზე, რომ ვიღაც კაცი გადაეკიდა, ემესიჯება და ემუქრება. შევვარდი მის ფეისბუქზე და ვხედავ ბავშვს უწყობს დაკითხვას, სთხოვს, რომ (ჩემთვის გაურკვეველი) თამაშიდან მესენჯერში გადაინაცვლონ და იქ გააგრძელონ მიმოწერა. ეკითხება სად ცხოვრობს, მარტოა თუ არა სახლში, ყავს თუ არა შეყვარებული, სად მუშაობს დედა. არიგებს, რომ ჩუმად ემესიჯოს, არავის უთხრას და მესიჯები წაშალოს. მას შემდეგ რაც ბავშვმა აღარ მიწერა, დაემუქრა რომ თუ არ მიწერდა მის ფოტოებს ,,სადღაც” ატვირთავდა. შოკში ჩავვარდი. მაშინვე განყოფილებაში წავედი. დანაშაულის ნიშნები გამოიკვეთა, ამიტომაღიძრა საქმე. ვინაობა დადგინდა. ამ ყველაფერს ვწერ იმიტომ, რომ ნაწილიბრივ მეც ვარ დამნაშავე. 9 წლის ბავშვს არ სჭირდება სოციალური ქსელი. გთხოოვთ მკაცრად აკონტროლეთ თქვენი შვილები, გაუუქმეთ ფეისბუქი, მართლა არაფერში სჭირდებათ. ბავშვს, რომ არ ეთქვა ჩემთვის, წარმოდგენაც არ მინდა სადამდე მივიდოდა საქმე. გამოძიების დამთავრებამდე ვერ ვუუქმებ ფეისბუქს. გთხოვთ გაფრთხილდით. სანამ ჩვენს კარებზეც არ დააკაკუნებს ხიფათი, ვერ ვგრძნობთ რა შედეგი შეიძლება მოყვეს ამ ყველაფერს”მოგვიანებით ბავშვის მშობელმა პოსტი დაბლოკა და აღნიშნა, რომ ასე გამოძიების ინტერესებიდან გამომდინარე მოიქცა.
fortuna.geგამოძიების ინტერესებიდან გამომდინარე იძულებული ვარ დროებით დავბლოკო პოსტი. არ ვშლი, უბრალოდ ამ ეტაპზე მხოლოდ მე ვხედავ. როცა გაირკვევა ყველაფერი დავწერ აუცილებლად. მადლობა ყველას თანადგომისთვის. არ მინდა გამოძიებას ხელი შევუშალო…
No comments:
Post a Comment